വിദ്യാര്‍ഥികളുടെ ഓണാഘോഷം വൃദ്ധസദനത്തില്‍

പൊന്നാനി: പൊന്നാനി എം.ഐ ഗേള്‍സ് ഹൈസ്‌കൂളിലെ റെഡ്‌ക്രോസ് യൂണിറ്റ് പ്രവര്‍ത്തകരായ വിദ്യാര്‍ഥിനികള്‍ തവനൂര്‍ വൃദ്ധസദനത്തിലെ അന്തേവാസികളോടൊത്ത് ഓണം ആഘോഷിക്കാനെത്തി. ഓണപ്പാട്ടുകള്‍ പാടിക്കേള്‍പ്പിച്ചും ഓണക്കഥകള്‍ പറഞ്ഞുകൊടുത്തും അന്തേവാസികള്‍ കുട്ടികള്‍ക്കൊപ്പം കൂടി. അധ്യാപകരായ എന്‍.വി. നൗഫല്‍, ഹസ്സന്‍കോയ, സുള്‍ഫിക്കര്‍, റംല തുടങ്ങിയവരോടൊപ്പമാണ് കുട്ടികള്‍ തവനൂരിലെ വൃദ്ധസദനത്തിലെത്തിയത്.