പട്ടികജാതി വര്‍ഗ വിഭാഗങ്ങള്‍ ഏറെയുള്ള പ്രദേശമാണ് മരുത. ഏഴ് കോളനികളാണ് ഇവിടെയുള്ളത്. കീരിപ്പൊട്ടി കോളനിയില്‍നിന്ന് തൊട്ടടുത്ത ഹൈസ്‌കൂളിലേക്ക് എട്ടുകിലോമീറ്റര്‍ ദൂരമുണ്ട്. ദൂരക്കൂടുതല്‍ മൂലം പല വിദ്യാര്‍ഥികളും പഠനം പാതിവഴിയില്‍ ഉപേക്ഷിച്ചിട്ടുണ്ട്. ഹൈസ്‌കൂള്‍ സ്ഥാപിക്കുമെന്ന പ്രതീക്ഷയില്‍ ആറ് ക്ലാസ്മുറികള്‍ വര്‍ഷങ്ങള്‍ക്കുമുമ്പ് നിര്‍മിച്ചിട്ടുണ്ട്. ഇവ ഒഴിഞ്ഞുകിടക്കുകയാണ്. ബാക്കി എല്ലാ ഭൗതികസാഹചര്യങ്ങളും സ്‌കൂളില്‍ ഉണ്ട്. അടിയന്തരമായി ഹൈസ്‌കൂള്‍ അനുവദിച്ചില്ലെങ്കില്‍ സമരം നടത്തുമെന്ന് പി.ടി.എ പ്രസിഡന്റ് സി.യു. ഏലിയാസ്, എന്‍.കെ. അബ്ദുള്ള എന്നിവര്‍ അറിയിച്ചു.
Post a Comment