നിലമ്പൂര്‍: യുവാവിനെ തീവണ്ടിയില്‍ നിന്ന് വീണ് മരിച്ചനിലയില്‍ കണ്ടെത്തി. പോത്തുകല്ല് അമ്പുട്ടാംപൊട്ടിയിലെ നടക്കല്‍ മോഹനന്റെ മകന്‍ എബിന്‍ (കണ്ണന്‍-20) ആണ് മരിച്ചത്. തിങ്കളാഴ്ച രാവിലെ മുളന്തുരുത്തിയില്‍ തീവണ്ടിപ്പാളത്തിനരികെയാണ് മൃതദേഹം കണ്ടത്.
ജെ.സി.ബി ഓപ്പറേറ്ററായ എബിന്‍ ഞായറാഴ്ച രാത്രി നിലമ്പൂരില്‍ നിന്ന് രാജ്യറാണി എക്‌സ്പ്രസ്സില്‍ ജോലിസ്ഥലത്തേക്ക് പോയതാണ്. സംശയത്തിന്റെ പേരില്‍ രാത്രിതന്നെ തിരഞ്ഞിരുന്നെങ്കിലും കണ്ടെത്താനായില്ല. രാവിലെ നടത്തിയ തിരച്ചിലിലാണ് പോലീസ് മൃതദേഹം കണ്ടെത്തിയത്. തുടര്‍ന്ന് എറണാകുളം ജനറല്‍ ആസ്പത്രിയിലേക്ക് മൃതദേഹം മാറ്റുകയായിരുന്നു.
അമ്മ: കുഞ്ഞുമണി. സഹോദരങ്ങള്‍: വിപിന്‍, എബിമോള്‍.