അങ്ങാടിപ്പുറം: തിരൂര്‍ക്കാട് തടത്തിന്‍വളവ് കല്ലിടുമ്പില്‍ വിജയന്റെ മകന്‍ അരുണ്‍ വിജയ്(15) തോട്ടില്‍ മുങ്ങിമരിച്ചു. ചെരക്കാപറമ്പില്‍ കൂട്ടുകാരോടൊത്ത് തോട്ടില്‍ കുളിക്കുന്നതിനിടെയായിരുന്നു അപകടം. ഞായറാഴ്ച രാവിലെ 11 മണിക്കാണ് സംഭവം. നീന്തല്‍ വശമില്ലാതിരുന്ന വിജയ് വെള്ളത്തില്‍ മുങ്ങുന്നതുകണ്ട കൂട്ടുകാര്‍ ബഹളംവെക്കുകയായിരുന്നു. നാട്ടുകാര്‍ ഓടിക്കൂടി ഉടന്‍ ആസ്പത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
പെരിന്തല്‍മണ്ണ വള്ളുവനാട് വിദ്യാഭവനിലെ പത്താംക്ലാസ് വിദ്യാര്‍ഥിയാണ്. അച്ഛന്‍ വിജയന്‍ ദമാമിലാണ്. അമ്മ: അണിമ. സഹോദരന്‍: കിരണ്‍ വിജയ് (വള്ളുവനാട് വിദ്യാഭന്‍ വിദ്യാര്‍ഥി).
ശവസംസ്‌കാരം തിങ്കളാഴ്ച 11ന് ശേഷം വീട്ടുവളപ്പില്‍.